Naranga Bihar

कुछ नियम के साथ मॉल, रेस्तरां आ धार्मिक स्थल सब आई से खुल जतइ : अनलॉक 1 अनलॉक-1 आई 8 जून, सोमवार से कंटेनमेंट जोन के छोड़ के बाकी जगह पर मॉल, रेस्तरां आ धार्मिक स्थल सब खुले जा रहल हौ।  • स्वास्थ्य मंत्रालय के मुताबिक, अई जगह सब पर छौ फीट के दूरी, मुह पर मास्क, सेनेटाइज़ेशन आ थर्मल स्क्रीनिंग के अनिवार्य कर देल गेल हई। • होटल आ रेस्तरां बला के विज़िटर्स के पूरा जानकारी जेना पहचान पत्र, मोबाइल नंबर, विदेश यात्रा आ बीमारी के ब्यौरा रखे के होतई।  • होटल, रेस्तरां आ शॉपिंग मॉल में 24 से 30 डिग्री तक ही एसी चला सकी छई।  • सार्वजनिक स्थान पर केकरो थूक न फेकें के हई। • 65 साल के ऊपर के लोक, 10 साल से कम उम्र के बच्चा, गभर्वती महिला आ बीमार आदमी सब के धार्मिक स्थल आ मॉल में न जाए के सलाह देल गेलई।  • अभी सब जगह पर सिनेमा हॉल, कन्सर्ट, खेल आयोजन आ राजनीतिक रैली सब पर रोक जारी रहतो।  जब अनलॉक 1 के घोषणा होएल रहई त केते राज्य इ न बतलकई कि उ मॉल खोलतई कि न  कयला कि केंद्र अाब राज्य सब के केते फैसले अपने लेबे के अधिकार दे देलकई। अइला महाराष्ट्र, पंजाब, मध्य प्रदेश आ तमि...

लॉकडाउन 5 / अनलॉक 1 में कि कि होतई #लॉकडाउन5 1 जून से 30 जून तकले रहतो। कंटेनमेंट जोन में पहलही लेखा बंदी रहतो आ जरूरी सेवा चालू रहतो बाकि जगह पर धीरे धीरे सबकुछ खोलल जतो। पहिला चरण में आठ जून के बाद से धर्मस्थल, होटल, रेस्त्रा, शॉपिंग मॉल के खोले के अनुमति देल जतई। एकरा लेल सरकार अलग से दिशानिर्देश जारी करतो। दोसरा चरण में स्कूल, कॉलेज, शिक्षण-प्रशिक्षण संस्था सब के राज्य आ केंद्र शासित प्रदेश के सरकार से बात कयला के बाद जुलाई महीना में खोलल जतई। तीसरका चरण में परिस्थिति देखला के बाद अंतरराष्ट्रीय विमान यात्रा, मेट्रो, सिनेमा हॉल, जिम, स्वीमिंग पूल आ मनोरंजन पार्क सब के खोले के तारिख बताएल जतई। #UNLOCK1 भूपेन्द्र कुमार

बियर आ ताड़ी भाई-भाई कुछ चीज सबदिनमा जरूरत के होई छई। जेना कि रोटी, कपड़ा-लता, घर और प्यार। लेकिन जेकरा सब के इ चीज न मिल पबइ छइ ओकरा रात में निसा चाही।  निसा के कोनो वर्ग न होई छई। निसा त निसा हई, चाहे उ प्यार के होए तब आ यार के होए तब। 10 रूपइया के दारूओ निसे कहतई आ 10 लाख के शैंपेनो निसे कहअतई।  फरक होई छइ त खाली चाल-चलन के।  कोनो निसा में लइकी से छेड़छाड़ करी छई त कोनो, रस्ता के बगल में चुपचाप सुत जाई छई।  एगो दारू के दोकान में बैकोपाइपर मिलइ छई आ हंड्रेडो पाइपर। ई त खरीदे बला के मन पर हई आ अहु पर की ओकरा जेबी में केते ढेउआ हई। ताड़ी के कथी कहबहु? धनकहबा सब के निसा की कमजोरका सब के निसा?  ई त खजूर चाहे ताड़ के पेड़ से निकलल सोमरस हइ। ई हमनी के निसा के जरुरत के पूरा करे बला एगो पुरनका देसी तरीका हई। जखनी यूरोप बियर पीईत रहलई, ओखनी हमनी के इहां लोग ताड़ी पीईत रहलई। बियरे के लेखा, ताड़ीयो के ओतने पिहु त ओतने निसा लगतो। बियरो ओतने महकी छई, जेतना ताड़ी, उहो ओतने कड़ा लगइ छई, जेतना बियर।  फरक खाली एतना हई कि बियर ...